دخول بابا عمرو
حبيب حوران
1/3/2012
—————————-
حـَنّـِي عيـبك أُمْ بشار
فِضْي ِ الحي من الثوار
أذانو طِولن شبرين
فرحان بهالانتصار
بعد أسابيع الحصار
والقصف وكل الدمار
سجل نقطة هالحمار
قدر يحرر خمس ْمتار
لا تفرح واستنّى شْويّ
مارح يطلعوا من الحي
الشغلة مو شربة مي
والطلعة بإيد الأحرار
الدخلة كانت بيدك
وْقِعت وما في شي يفيدك
صيد الحجل لنصيدك
ونردّك طامس بالعار
موجودين بكل حارة
كل بيت وكل عمارة
ولو تقصفنا بطيارة
ثورتنا ما رح تنهار
رح تلقانا باحلامك
من وراك و قدامك
يـَاهْبـَل خلصت أيامك
وجا يوم الشعب الهدار
ليست هناك تعليقات:
إرسال تعليق