بدي منصب لأني كنت مع الثورة – أبراج‎

بدي كرسي لأني كنت مع الثورة
بدي وظيفة لأني كنت مع الثورة
بدي منصب لأني كنت مع الثورة
بدي مصاري لأني كنت مع الثورة
بدي  حصة لأني كنت مع الثورة
بدي تعويض لأني كنت مع الثورة
بدي راتب بلا شغل لأني كنت مع الثورة
بدي واسطة لأني كنت مع الثورة
بدي كوبونات لأني كنت مع الثورة
بدي  مكافأة لأني كنت مع الثورة
بدي  أمتيازات لأني كنت مع الثورة
بدي سفرات خاصة لأني كنت مع الثورة
بدي جرين كارد لأني كنت مع الثورة

بدي وبدي ووووووووو

حتى الصامتين
حتى الشبيحة
حتى المعارضة المزورة
حتى المؤيدين
حتى المنحبكجية
حتى المعهم معهم عليهم عليهم
حتى العواينية
حتى الصحافيين والتجّار
حتى المحللين
كلهم بدهم …..لأنهم كانوا مع الثور
مع الأسد
مع السرطان
مع القوس
مع العقرب
مع الأبراج كل يوم في طالع
وكل يوم في مزاج وحالة
إلا أنا فلاأريد شيء إلا الوطن
فحين يعود الوطن بإذن الله يرجع كل حق لصاحبه
لاأريد شيء رغم وقوفي مع الثورة
مع الحمل
مع الميزان
الذي سيكون في كفتيه
أن من يعمل للوطن لا يطلب أجر
ومن يحب الوطن يضحي لأجله
كما فعل ويفعل الشهداء
الثوار
الأبطال
الكرام
الصادقين
الصابرين
المؤمنين
الواثقين
المندسة والمندسين
أجرهم عند الله خير ثواب
وأثرهم في الأرض كرامة لنا وإشراقة نور
وأنا لن أحيد عن هذا المبدأ
ولن أطالب بشي إلا الرحمة
والدعاء
والفخر
والحب
والتسامح
والعمل  أجيراً عند أقدام وطني
وعليه أوقع

—————————-

حر ولكن