مجنون : ليك سمعت عنا معارضة خارجية وداخلية
عاقل : صحيح عنا هيك شي وهذا شي طبيعي
مجنون : ليك وسمعت كمان عنا تجارة خارجية وداخلية
مجنون : وعنا سياحة خارجية وداخلية
وعنا سياسة خارجية وداخلية ووووووو
عاقل : صحيح عنا هيك شي وهذا شي طبيعي
مجنون : ليك وسمعت كمان عنا تجارة خارجية وداخلية
عاقل : صحيح عنا هيك شي وهذا شي طبيعي شو الجديد؟؟؟
مجنون : وسمعت عنا ديون خارجية وداخلية
عاقل: ماسمعت أنا هيك شي اللي سمعته ماعلينا ديون
مجنون: هذا ياسيدي الديون بسبب السلاح الروسي والتجارة الصينية
عاقل : طيب والديون الداخلية؟؟
مجنون: بسبب الأقتصاد الحر بقيادة رامي خلى ناس مليونيرية وناس مديونيرية
عاقل : دخلك معقولة يطلعلنا حصة بعد تأميم أموال رامي وشركاه؟؟
مجنون: هلأ أنا المجنون أو أنت؟؟
عاقل : آسف آسف أخي مجنون
مجنون : ليك نسيت ماقلتلك أنو عنا كمان وزيرين خارجية
عاقل: شووووووووووووووووو ؟شوعم تحكي؟؟؟؟
مجنون: متل ماعم قلك
عاقل : أنت راح تجنني ؟؟؟ يازلمي عنا وليد المعلم شلون عنا وزيرين؟؟ ومين هو الوزير الثاني
مجنون: سيرجي لافروف
عاقل: بلع ريقه وبسمل وحوقل وفكّر ومافهم
مجنون: حبيبي عاقل أنت من فترة والقصف شغال ليل نهار على حمص
والقتل على أبو موزة بكل أنحاء سوريا
مين اللي عم تشوفوه كل شوي ينط ويصرح عالأوضاع
مرة سوريا ستتخذ كذا
سوريا ستعمل كذا
سوريا ستطرح أحدث منتجات الدستور بالأسواق
سوريا ستوافق على مقترح
عاقل: يخرب بيتك يالارفروف على هالسمعة
بآخر عمرك صرت وزير خارجية سوريا عند بيت الأسد
طيب والمعلم:شو شغلته؟؟
مجنون: نشر أوساخ النظام الداخلية والخارجية بتصريحاته وتلفيقات مخابراتو
والبلع والأكل بهالعالم
ياسيدي خود هالنهفة من يومين كنت داخل عالنادي أعمل رياضة
وإذا بالمعلم داخل عالنادي فوقف شخص وحكالو هالكلمتين
سيادة الوزير: أنت عم تدفع مصاري حتى تنحف شوي؟؟
والناس عم تموت من الجوع لأن مو ملاقية تأكل ولو خبز يابس
حاول تخفف أكل وتبرع باللي عم تحطه بالنادي بهيك أنت بتنحف والناس تعيش
شو رأيك بهالبرنامج الإصلاحي؟؟؟
عاقل : شو رد عليه؟؟
مجنون: كالعادة أتصل بوزير الداخلية بتهمة أنو يحّقر مسؤول في الدولة بمكان عام
عاقل : طيب دخلك عنا وزير داخلية واحد أو تنين؟؟
مجنون : عنا ١٠٠وزير داخلية لقتل وحبس الشعب بس ماعنا ربع وزير لحمايته أو الدفاع عنه
عاقل : عن جد أنت واحد عاقل وماخطرت على بالي
وعاقصة لافروف 24 ساعة تصريحات هو وجماعته وجماعتنا ساكتين
الآن فهمت ليش المحللين والنظام والمنحبكجية مابيحكوا أنو روسيا ماعم تدخل
ولايعتبر موقفهم وتصريحاتهم تدخل خارجي
مجنون: صحيح لأننا أصبحنا في الجمهورية العربية الروسية
بس نسخة صينية وبكرا راح تشوف النسخة السورية الأصلية
بس يصنعوها هالثواروالله راح يأخذوها من فم الدب الروسي
وقول مجنون حكي
فعلآ مجنون يحكي وعاقل يسمع
———————–
حر ولكن
ليست هناك تعليقات:
إرسال تعليق