اليوم غير كل الايام ... الدنيا كلها حزينة وشاردة ... حتى السما عم تبكي .. الحزن على الوجوه .. الناس مو طايقة تحكي مع بعضا ..
حتى إني وقت طلعت من البيت .. شفت جاري وسلمت عليه .. رد علي السلام بدون ما يتطلع بوجهي .. وفات على بيتو بسرعة ..وقت طلعت عالشارع .. كانت السيارات عم تمشي وصحابها كل واحد عيونو شاردة بمكان بعيد .. وانا عم اقطع الشارع سمعت زمور ودعسة فرام توقعت اسمع شي مسبة او كلام مو منيح .. لكن الشوفير اشرلي بايدو مشان كمل طريقي ...
وصلت لعند جاري أبو زاهر .. شفتو مسكر غلق المحل نص تسكيرة .. مديت راسي لقيتو قاعد وحاطط عالاخبار ...وجنبو ابريق شاي ..
- كيفك عمي ابو زاهر ؟ خير ليش هيك راخي الغلئ ؟؟ شو ما عم تشتغل !! خير..؟
- أهلين سمير .. فوت فوت عمي .. وخلي الغلئ مرخي ..
فتت لعندو وسحبت كرسي وقعدت جنبو وبعد ما صبيت كاسة شاي اخدت كمشة قضامة من جنب الطاولة وقلتلو ..
-شو القصة عمي ابو زاهر ..
-يا زلمة تركها لربك ... لك والله الدنيا كلها مسكرة بوشنا .. حمص رح تخلص اهلها .. والناس عم تموت كل مية سوا .. يا رجل عائلات بحالها عم تفنى كل يوم ...كيف بدك ياني يكون عندي نفس اعمل شي !!!
- الحق بايدك عمي ابو زاهر .. بس انو شو الحل يعني .. مو هاد الدرب يلي اخترنا ولازم نكمل فيه ..
-لك بعرف يا ابني بس كتير صار التمن كبير ... ونحنا ما عم نعمل شي لنساعدهن او نخفف عنهن .. ايد لوحدا ما بتصفئ .. بدنا نقوم كلنا مع بعض ..لك ما عم تشوف الولاد يلي عم تنقتل وتتشوه وتنجرح !!! يعني ما بعرف مات الاحساس عند العالم .. وخلص قرروا انو حمص هي تتحمل القتل والقصف ونحنا نقعد نتفرج ؟؟؟ لك انا منظر الولد يلي تفجر وشو ما عم يفارقني وحاسس انو عم يعاقبني ويطاردني لأني ما عم اقدر قدم شي للثورة .. حاسس الكلب احسن مني ..
هون ابو زاهر صار يبكي بحرقة ...وانا عم اتطلع ومو قادر رد او احكي معو شي
-طول بالك عمي أبو زاهر .. كلنا حاسين نفس الاحساس .. بس صار لازم نتحرك ونبطل ندب وحكي بس ...
سكتنا شوي .. وكل واحد صار يتطلع بالكاسة تبعو .. قطع علينا الصمت .. بنت صغيرة مدت راسا من تحت الغلئ .. وقالت ..
-مسكرين الدكانة عمو ؟؟
رد عليها ابو زاهر ..
-لا حبيبتي .. تعي فوتي شو بدك ؟؟
فرحت البنت .. ونطت متل الفراشة لجوا المحل وراحت عند السكاكر والشوكولا ...
-عمو عندكن سكاكر على مربى ؟؟ بدي وحدة إلي ووحدة لاخي ... وبدي وحدة على ليمون للماما ...
طبعا انا وابو زاهر .. فورا تطلعنا ببعض ... وفكرنا بنفس الشي .. وحتى إني شفت عيونو لابو زاهر عم تدمع من جديد ..
راح لعند البنت وحملها وباسها من راسها .. وشال كمشة سكاكر وعطاها ياهن .. وقلها هدول الك ولاخوكي وللماما وما بدي حقهن ...
البنت فرحت كتير وركضت على بيتها وهي ماسكة بايدها السكاكر ...
طلعت من عند ابو زاهر .. وقفت مكرو ونزلت على نص البلد .. فتت على قهوة ... كان فيها شوية ناس قاعدين ..قعدت على طاولة بالزاوية .. وناديت للجرسون ..
فجأة دخل اربع شباب عالقهوة واخدو طاولة وقعدو ..
من اول ما دخلو عالقهوة الكل عرفهن من جماعة النظام من اشكالهن الوسخة ..
طبعا كل الشباب يلي قاعدين بالقهوة تكهربو
وصارو يتطلعو عليهن باستحقار ...
اجا صبي القهوة لعندي وقلي شو بتشرب يا حبيب .. لسه ما فتحت تمي لقلو شو بدي .. واحد من الشباب يلي دخلو نادى للجرسون بلهجتن المعروفة ..
- ليك .. جيب اربع كاسات متي وسكر وابريق مي سخني ...
دار القهوجي وشو لعند الشباب .. وقلن ..
-لا والله ما عنا متي .. ما بفوت المتة على محلي .. ليش ما دريت انو عم يسمموها ..
كل الموجودين ضحكو بصوت خافت ..
-ما تتمسخر يعني !! روح جيب اربعة شاي لشوف .. كمان بدك تقلي آفي شاي !!
-اي بامرك ... رح زبطلك اربع كاسات شاي اكرك عجم .. بحياتك ما شربت متلن ..
ركض القهوجي عالمطبخ وبعد عشر دقايق طلع ومعو اربع كاسات شاي ...
وحط الكاسات ادام الشباب .. وقلهن دوقوا السكر اذا زابط .. واذا مو زابط لجبلكن السكرية ..
الشباب الاربعة شربوا شفة من كاسات الشاي .. وفجاة قاموا وكبو الشاي من تمهن وبلشوا يسبو وهنن مشمئزين وعم يشربو مي ويمسحو تمهن من الشاي ...
قام القهوجي وهو عم يخفي ضحكتو .. سالهن خير يا شباب لك خير .. شو صرلكن !!
واحد منهن قلو ...
-لك شو حاطط بالشاي الله لا يعطيك العافية !! شو هاد ملح ليمون !؟؟؟
رد عليه القهوجي وهو عم يشيل الكاسات بكل برود اعصاب .. لا تواخذنا حبيب هاد شكلو الشب جوا خربط وحط ملح ليمون بلا سكر ..
اجا واحد من هالشباب حاول يفوت عالمطبخ وهو عم يسب ويشتم وبدو يعرف مين يلي عمل هالشي ..
قامو الناس يلي بالقهوة وقفو بوشو ومسكو وواحد منهن قلو ...
-بتطلع انت وزبالتك وهالكلاب يلي معك من هون ولا بدك ادفنك بارضك ولا كلب !!! يلا من خلقتي لشوف احسن ما ندعوسك برجلينا يا حقير ..
قامو متل الكلاب حملو حالهن وطلعو برا القهوة وراسهن مكسور بالارض بعد ما شافو انو صرنا كترة عليهن وما رح يقدرو يوقفو بوشنا ... ورجعنا قعدنا بكراسينا ونحنا عم نضحك وقلوبنا كبرت كتير بعد ما عرفنا انو نحنا ايد وحدة بوجه هالناس يلي مفكرة انو البلد الهن وحدهن وقادرين يتحكمو فينا ..
لحظة بس عن اذنكن ... القصة ما خلصت ..
في عندي نسخة تانية للشي يلي صار بتحبوا تسمعو .. اي سمعو لقلكن ...
الشباب بعد ما عرفو انو حطلهن القهوجي ملح ليمون بالشاي .. قام واحد منهن وضربو كف قام وقع عالأرض وقامو الشباب يلي معو وصارو يدعسو عليه .. وكل يلي كانو بالقهوة ما تحركو وحتى اجا واحد بدو يحاول يقرب قام اكل كفين ورفسة ببطنو .. وبعد شوي اتصلو تلفون وجابو دورية واعتقلو القهوجي وصبي المطبخ واخدوا هويات الموجودين ... وبعدا كسرو القهوة وصارو يهتفو بروح معلمهن وطلعو بسياراتهن وراحو .. ونحنا حاطين راسنا بالارض ...
أنا .. سمير ... قلتلكن نسختين من القصة .. شوفو الشي يلي بيناسبكن .. واقرأو ..
سمير ... عشرة /تنين / الفين وطنعش
حتى إني وقت طلعت من البيت .. شفت جاري وسلمت عليه .. رد علي السلام بدون ما يتطلع بوجهي .. وفات على بيتو بسرعة ..وقت طلعت عالشارع .. كانت السيارات عم تمشي وصحابها كل واحد عيونو شاردة بمكان بعيد .. وانا عم اقطع الشارع سمعت زمور ودعسة فرام توقعت اسمع شي مسبة او كلام مو منيح .. لكن الشوفير اشرلي بايدو مشان كمل طريقي ...
وصلت لعند جاري أبو زاهر .. شفتو مسكر غلق المحل نص تسكيرة .. مديت راسي لقيتو قاعد وحاطط عالاخبار ...وجنبو ابريق شاي ..
- كيفك عمي ابو زاهر ؟ خير ليش هيك راخي الغلئ ؟؟ شو ما عم تشتغل !! خير..؟
- أهلين سمير .. فوت فوت عمي .. وخلي الغلئ مرخي ..
فتت لعندو وسحبت كرسي وقعدت جنبو وبعد ما صبيت كاسة شاي اخدت كمشة قضامة من جنب الطاولة وقلتلو ..
-شو القصة عمي ابو زاهر ..
-يا زلمة تركها لربك ... لك والله الدنيا كلها مسكرة بوشنا .. حمص رح تخلص اهلها .. والناس عم تموت كل مية سوا .. يا رجل عائلات بحالها عم تفنى كل يوم ...كيف بدك ياني يكون عندي نفس اعمل شي !!!
- الحق بايدك عمي ابو زاهر .. بس انو شو الحل يعني .. مو هاد الدرب يلي اخترنا ولازم نكمل فيه ..
-لك بعرف يا ابني بس كتير صار التمن كبير ... ونحنا ما عم نعمل شي لنساعدهن او نخفف عنهن .. ايد لوحدا ما بتصفئ .. بدنا نقوم كلنا مع بعض ..لك ما عم تشوف الولاد يلي عم تنقتل وتتشوه وتنجرح !!! يعني ما بعرف مات الاحساس عند العالم .. وخلص قرروا انو حمص هي تتحمل القتل والقصف ونحنا نقعد نتفرج ؟؟؟ لك انا منظر الولد يلي تفجر وشو ما عم يفارقني وحاسس انو عم يعاقبني ويطاردني لأني ما عم اقدر قدم شي للثورة .. حاسس الكلب احسن مني ..
هون ابو زاهر صار يبكي بحرقة ...وانا عم اتطلع ومو قادر رد او احكي معو شي
-طول بالك عمي أبو زاهر .. كلنا حاسين نفس الاحساس .. بس صار لازم نتحرك ونبطل ندب وحكي بس ...
سكتنا شوي .. وكل واحد صار يتطلع بالكاسة تبعو .. قطع علينا الصمت .. بنت صغيرة مدت راسا من تحت الغلئ .. وقالت ..
-مسكرين الدكانة عمو ؟؟
رد عليها ابو زاهر ..
-لا حبيبتي .. تعي فوتي شو بدك ؟؟
فرحت البنت .. ونطت متل الفراشة لجوا المحل وراحت عند السكاكر والشوكولا ...
-عمو عندكن سكاكر على مربى ؟؟ بدي وحدة إلي ووحدة لاخي ... وبدي وحدة على ليمون للماما ...
طبعا انا وابو زاهر .. فورا تطلعنا ببعض ... وفكرنا بنفس الشي .. وحتى إني شفت عيونو لابو زاهر عم تدمع من جديد ..
راح لعند البنت وحملها وباسها من راسها .. وشال كمشة سكاكر وعطاها ياهن .. وقلها هدول الك ولاخوكي وللماما وما بدي حقهن ...
البنت فرحت كتير وركضت على بيتها وهي ماسكة بايدها السكاكر ...
طلعت من عند ابو زاهر .. وقفت مكرو ونزلت على نص البلد .. فتت على قهوة ... كان فيها شوية ناس قاعدين ..قعدت على طاولة بالزاوية .. وناديت للجرسون ..
فجأة دخل اربع شباب عالقهوة واخدو طاولة وقعدو ..
من اول ما دخلو عالقهوة الكل عرفهن من جماعة النظام من اشكالهن الوسخة ..
طبعا كل الشباب يلي قاعدين بالقهوة تكهربو
وصارو يتطلعو عليهن باستحقار ...
اجا صبي القهوة لعندي وقلي شو بتشرب يا حبيب .. لسه ما فتحت تمي لقلو شو بدي .. واحد من الشباب يلي دخلو نادى للجرسون بلهجتن المعروفة ..
- ليك .. جيب اربع كاسات متي وسكر وابريق مي سخني ...
دار القهوجي وشو لعند الشباب .. وقلن ..
-لا والله ما عنا متي .. ما بفوت المتة على محلي .. ليش ما دريت انو عم يسمموها ..
كل الموجودين ضحكو بصوت خافت ..
-ما تتمسخر يعني !! روح جيب اربعة شاي لشوف .. كمان بدك تقلي آفي شاي !!
-اي بامرك ... رح زبطلك اربع كاسات شاي اكرك عجم .. بحياتك ما شربت متلن ..
ركض القهوجي عالمطبخ وبعد عشر دقايق طلع ومعو اربع كاسات شاي ...
وحط الكاسات ادام الشباب .. وقلهن دوقوا السكر اذا زابط .. واذا مو زابط لجبلكن السكرية ..
الشباب الاربعة شربوا شفة من كاسات الشاي .. وفجاة قاموا وكبو الشاي من تمهن وبلشوا يسبو وهنن مشمئزين وعم يشربو مي ويمسحو تمهن من الشاي ...
قام القهوجي وهو عم يخفي ضحكتو .. سالهن خير يا شباب لك خير .. شو صرلكن !!
واحد منهن قلو ...
-لك شو حاطط بالشاي الله لا يعطيك العافية !! شو هاد ملح ليمون !؟؟؟
رد عليه القهوجي وهو عم يشيل الكاسات بكل برود اعصاب .. لا تواخذنا حبيب هاد شكلو الشب جوا خربط وحط ملح ليمون بلا سكر ..
اجا واحد من هالشباب حاول يفوت عالمطبخ وهو عم يسب ويشتم وبدو يعرف مين يلي عمل هالشي ..
قامو الناس يلي بالقهوة وقفو بوشو ومسكو وواحد منهن قلو ...
-بتطلع انت وزبالتك وهالكلاب يلي معك من هون ولا بدك ادفنك بارضك ولا كلب !!! يلا من خلقتي لشوف احسن ما ندعوسك برجلينا يا حقير ..
قامو متل الكلاب حملو حالهن وطلعو برا القهوة وراسهن مكسور بالارض بعد ما شافو انو صرنا كترة عليهن وما رح يقدرو يوقفو بوشنا ... ورجعنا قعدنا بكراسينا ونحنا عم نضحك وقلوبنا كبرت كتير بعد ما عرفنا انو نحنا ايد وحدة بوجه هالناس يلي مفكرة انو البلد الهن وحدهن وقادرين يتحكمو فينا ..
لحظة بس عن اذنكن ... القصة ما خلصت ..
في عندي نسخة تانية للشي يلي صار بتحبوا تسمعو .. اي سمعو لقلكن ...
الشباب بعد ما عرفو انو حطلهن القهوجي ملح ليمون بالشاي .. قام واحد منهن وضربو كف قام وقع عالأرض وقامو الشباب يلي معو وصارو يدعسو عليه .. وكل يلي كانو بالقهوة ما تحركو وحتى اجا واحد بدو يحاول يقرب قام اكل كفين ورفسة ببطنو .. وبعد شوي اتصلو تلفون وجابو دورية واعتقلو القهوجي وصبي المطبخ واخدوا هويات الموجودين ... وبعدا كسرو القهوة وصارو يهتفو بروح معلمهن وطلعو بسياراتهن وراحو .. ونحنا حاطين راسنا بالارض ...
أنا .. سمير ... قلتلكن نسختين من القصة .. شوفو الشي يلي بيناسبكن .. واقرأو ..
سمير ... عشرة /تنين / الفين وطنعش
ليست هناك تعليقات:
إرسال تعليق